Кеңес әскерінің Ауған жерінен шығарылғанына 30 жыл толды

           Биыл Кеңес әскерінің Ауған жерінен шығарылғанына 30 жыл толып отыр. Сол кездегі әскери-интернационалистік борышын атқарып келген 18-20 жастаға жас жігіттер бүгінде 60-ты ауқымдаған Ел ағалары. Күннен күнге қатарлары сиреп, Ауған соғысының тән жарасы мен жан жаралары сыр беріп жатса да, әлі күнге азаматтық абройларын жоғалтпай жастарды Отан сүйгіштікке тәрбиелеуде, олардың бойынан күш-жігердің болуын, намысшыл болуын шыңдауда аянбай еңбек етуде. №26 орта мектебінде бүгін осындай ағаларының ерлік істерімен танысу мақсатында "Дөңгелек стол" ұйымдастырылды. Алматы облысы Ауған соғысы мүгедектері қоғамдық бірлестігінің төрағасы, сержант Ілиясов Шормақ өзімен қарулас достары Боранбаев Асқар,Мамыраев Талғат, Ахметжанов Баскенмен бірге келіп өнегесі көп, қазақ жігіттеріне тән ерлікпен қайсарлыққа толы күндерінен сыр шертіп, ауған жерінен оралмай қалған достарын еске алысты. Сұрақтарға тартымды жауаптар алған оқушылар риза болысты. Биыл медициналық бақылаудан өткен 10 оқушы ағаларының қолынан "Есепке тіркелу куәліктерін" алып, Отан алдындағы борыштарын атқаруға даяр екенін көрсетті.